Անասնաբուժության ոլորտում ժամանակակից ախտորոշման և կենսանվտանգության կարևորում
Հոկտեմբերի 6-7-ին ՄԱՎԵՏԱ ծրագրի շրջանակում «Անասնաբուժական լաբորատոր ախտորոշման ժամանակակից մեթոդները և կենսանվտանգության պահանջները» թեմայով երկօրյա դասընթաց-աշխատաժողովին մասնակցեցին դասախոսներ Ա. Զարդարյանը և Դ. Հովեյանը։
Մասնակիցներն ուսումնասիրեցին մակաբուծային հիվանդությունների ախտորոշման, բուժման և կանխարգելման ժամանակակից մոտեցումները, ինչպես նաև նմուշառման և լաբորատոր հետազոտությունների առանձնահատկությունները։
Կարևորվեց կենսանվտանգության կանոնների պահպանումը՝ կենսաբանական ռիսկերը նվազեցնելու, մասնագետների առողջությունը պաշտպանելու և հետազոտությունների հավաստիությունն ապահովելու նպատակով։
Դասընթացը վարեցին Օլեգ Շչերբակովը և Ռուզաննա Հարությունյանը։Շնորհակալություն ՄԱՎԵՏԱ ծրագրին՝ անասնաբուժության ոլորտում մասնագիտական կարողությունների զարգացմանն ու գիտելիքների կատարելագործմանը նպաստելու համար։