Ճանաչողական այց «Երեմյան Ֆերմա»՝ ժամանակակից անասնաբուծության և խելացի տեխնոլոգիաների աշխարհԳավառի ակադեմիկոս Ա. Թամամշևի անվան պետական գյուղատնտեսական քոլեջի ուսանողներն ու դասախոսները հյուրընկալվել էին Հայաստանի խոշորագույն և առաջադեմ տնտեսություններից մեկում՝ «Երեմյան ֆերմայում»։
Մեր թիմը շրջայց կատարեց ֆերմայի տարածքում, որը եզակի է իր տեսակի մեջ և գործում է բացառիկ՝ «Սերմից՝ սեղան» հայեցակարգով։ Այցի ընթացքում մասնակիցները ծանոթացան ոլորտի նորագույն ձեռքբերումներին, մասնավորապես՝
Ֆերմայի ժամանակակից ու խելացի գյուղատնտեսական և տեխնոլոգիական լուծումներին,Մաքրացեղ կովերի պահման պայմաններին և առողջական վիճակի թվայնացված մոնիթորինգային վերահսկմանը,Կերարտադրության լաբորատոր հիմքերին և կերակրման ճիշտ ընթացքին,Բացարձակ սանիտարահիգիենիկ պայմաններում՝ փակ շղթայով կիթի իրականացմանը։Շրջայցից հետո ուսանողները հնարավորություն ունեցան ակտիվ հարցուպատասխանի ձևաչափով՝ իրենց հուզող մասնագիտական հարցերի պատասխանները ստանալով անմիջապես պրակտիկ դաշտի առաջատարներից հենց տեղում: 
Գավառի պետական գյուղատնտեսական քոլեջի տնօրինության, դասախոսական կազմի և ուսանողների անունից մեր խորին շնորհակալությունն ենք հայտնում Yeremyan Farm ընկերությանը և «Երեմյան ֆերմայի» ողջ անձնակազմին՝ մեզ հյուրընկալելու և ապագա մասնագետների կայացման գործում ներդրում ունենալու պատրաստակամության համար։
Մեր առանձնահատուկ շնորհակալությունն ենք հայտնում՝
Հարություն Խամոյանին (Ֆերմայի ղեկավար)՝ ծավալուն, մանրակրկիտ և չափազանց գրագետ ներկայացման, ուսանողներին մասնագիտական մեծ մոտիվացիա փոխանցելու համար։ Սարգիս Պառավյանին (Մարդկային ռեսուրսների կառավարման պատասխանատու)՝ հանդիպման հիանալի կազմակերպման, ջերմ ու հյուրընկալ միջավայրի ստեղծման և ցուցաբերած բարձր պրոֆեսիոնալիզմի համար։ Ֆերմայի անասնաբույժներին՝ իրենց բարդ ու պատասխանատու աշխատանքի, մասնագիտական բարձր պատրաստվածության և ոլորտի նրբությունները սիրով, համբերատարությամբ ու մանրամասն ներկայացնելու համար։Այսպիսի գործնական շփումները լավագույն հիմքն են որակյալ ու մրցունակ մասնագետների պատրաստման ճանապարհին: Շնորհակալ ենք արդյունավետ ու տպավորիչ օրվա համար:
