Համի նոր բացահայտումներ «Պանրի արտադրության կազմակերպում» մոդուլի շրջանակումՄեր ուսանողները հերթական անգամ ապացուցեցին, որ պանրագործությունը ոչ միայն տեխնոլոգիա է, այլ նաև ստեղծագործություն։ Այս անգամ պատրաստվել է համեղ և յուրահատուկ հալած պանիր, որը ստացել է նոր համային երանգներ հատուկ հավելումների շնորհիվ։
Հալած պանրի դասական տարբերակը համալրվել է՝
սնկով,
կարմիր պղպեղով։Յուրաքանչյուր տարբերակ առանձնանում էր իր բույրով, համային հագեցվածությամբ և հետաքրքիր համադրությամբ։ Ուսանողները ոչ միայն ուսումնասիրեցին հալած պանրի արտադրության տեխնոլոգիական գործընթացը, այլև փորձարկեցին նոր բաղադրատոմսեր՝ համադրելով ավանդական ու ժամանակակից մոտեցումները։
Գործնական աշխատանքների միջոցով ձևավորվում են մասնագիտական հմտություններ, ստեղծագործ մտածողություն և նորարարական գաղափարներ, որոնք ապագա տեխնոլոգների կարևոր առավելություններից են։
Սովորում ենք, ստեղծում ենք և համի նոր պատմություններ գրում։